Мақсаты: Оқушыларға зорлық зомбылық туралы мағлұмат беру, адамның ең жаман қасиеті екенін айту.

Адамның ең басты құндылығы оның бостандығы, оқушыларға адамзаттық құқықтарымен бас бостандықтарын қорғауы туралы үйрету.

Зорлық - зомбылық адам ағзасына тікелей әсер ететінін түсіндіру.

Жаман әдеттерден бойларын аулақ ұстап, ондай әрекеттерге бармауға тәрбиелеу, адамгершілігі мол саналы азамат болып өсуіне ықпал жасау.

Кіріспе. Қоғам үшін ең бастысы - тәуелсіздік, адам үшін бас бостандығы және уайым қайғысыз өмір. Оның кепілі - заңдылық. Тәуелсіздік төрімізден орын алған қоғамымыздағы ең басты құндылық - адам бостандығы. Адамның және адамзаттың құқықтары мен бас бостандықтарын қамтамасыз ету және қорғау - конституциялық заңдылықтың басты талабы.

Қазақстанда салауатты өмір салтына қол жеткізуде, денсаулықты сақтау мен нығайтудағы басты міндеттің бірі - бала құқығын қорғау, зорлық - зомбылыққа қарсы күрес жүргізу. Егер жалпы айтқанда зомбылықты физикалық қасірет көрсету әрекеті деп анықтауы болса, онда тұрмыстық зомбылықта осы әрекеттің бастауы мен айқындау нүктесі анық белгіленеді. Ол - жанұя, яғни зұлымдықшы мен оның жемтігі ең жақын адамдар болады. Олар - жұбайлар мен балалар. Отбасындағы зорлық - зомбылық мәселесі әлемнің әр елінде ертеден орын алған. Зорлық балалардың денелік және психологиялық денсаулықтары және жан - жақты дамулары үшін ауыр машақат болып табылады.

«Буллинг» тақырыбында презентациямен таныстыру

“Өз мәтініңді құра” жаттығуы
Мақсаты: оқушының ой болжауын дамыту
Нұсқау: қатысушы топтарға “зорлық - зомбылық” сөзіне синоним сөздер жазу ұсынылады. Осы жазылған сөздермен әр топ өз мәтінін құрастырады. Мәтін оқылып, әңгімесі талқыланады.
Талқылау: қатысушылардың ой - пікірлері тыңдалады (Уақыты: 7 мин.)

Видеоролик. Ойларымен бөлісу.

«Біз буллингке қарсымыз!» тақырыбында постер жасау. Әр топқа берілген қағаздарға тақырыпқа байланысты постер жасайды.

 І топ: «Зорлық - зомбылықты қалай түсінесіңдер?»

 ІІ топ: «Зорлық - зомбылықты болдырмас үшін не істеу керек?» тақырыптары бойынша жұмыс жасап, оны топпен қорғау.

Кері байланыс «Аяқталмаған тезистер» атты анкетаға зорлық зомбылықтың бірнеше түріне анықтама жазады.

1. Зорлық - зомбылық - ол…

2. Физикалық зорлық - зомбылық - ол…

3. Психологиялық - …

4. Экономикалық зорлық деген - …

5. Қорқыту - ол …